Pensadas brueissalhièras

Se l’art no serviá de res, seriá permés.

Lo particular e l’universal se cèrcan brega coma amoroses que s’entrebaian.

Las mespresas lo fan, 
lo mesprètz lo desfa.
Amor que s'entend
Tanlèu part al vent.
Parla-en-chimpa
encontrèt
Fa-la-chincha.

Parla-en-chimpa
chimpèt.

Fa-la-Chincha
chinchèt.

E chimpa que chimparà,
chincha que chincharà,

Parla-en-chimpa s'enchipra,
Fa-la-chincha s'enchincha.

Sempre vira l’imposicion cultural a una cultura de l’impostura, a una cultura de l’engana e del clichat. Pontife e ponciu se fan la ronda coma lo lop e lo rainal. Qual n’es la lèbre?

L’imposicion son acordalhas que li mancan pas d’esposaires.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.